موقع فن شو
مقالات مشابهة
انتشرت الفترة الماضية أخبار عن انفصال مطربي المهرجانات أوكا و أورتيجا و أن هناك خلافات بينهما ، وذلك بعد انطلاقهما سويا منذ أكثر من 10 سنوات سوياً، و قدما عددًا من أشهر أغنيات المهرجانات التي ساعدت على انتشار هذا النوع من الأغاني في المجتمع المصري و العربي،مما دفع أورتيجا إلى نشر فيديو عبر حسابه الرسمي على موقع “Instagram “ ليوضح الحقيقة .
أوضح أورتيجا خلال الفيديو سبب الانفصال
قائلا”بخصوص “أوكا وأورتيجا” علشان كل الناس اللي بتقعد تبعت أنتوا ليه مبقتوش مع بعض أنتوا متخانقين، طبعا مفيش أي حاجة من الكلام ده مش عارف أرد أقولكم إيه كل واحد بيسمع حاجة من برا بيجي يقولها، أنا هوضحلكم الصورة لجمهور أوكا وأورتيجا”.
تابع: “أوكا أخويا وعشرة حياتي وصديق كفاح وشفنا كل حاجة حلوة ووحشة مع بعض فمش هنيجي على آخر الزمن بعد ما نكبر، ونتخانق ونمسك في بعض زي ما الناس بتقول، خالص يا جماعة إحنا كل القصة أن أوكا بقى لوحدة وأورتيجا بقى لوحدة وأنا بتمناله كل التوفيق في حياته وفي شغله ويبقى أحسن حد في الدنيا وبتمنى لنفسي أنا كمان ربنا يرزقنا إحنا الاتنين ويوفقنا”.
وأضاف”ودايما أوكا وأورتيجا اسمهم مرتبط ببعض مش علشان شغل علشان إحنا من قبل الشغل في حاجات كتير أوي مع بعض، بتمناله وبتمنالي التوفيق ورنا يرزقنا إحنا الاتنين، وياريت يكون الخبر ميزعلش حد، هو الموضوع باين بس أنتوا بتقولوا كلام غلط”.
