موقع فن شو
مقالات مشابهة
تعرضت الفنانة المصرية رحمة حسن، لحادث مرعب ما أسفر عن إصابتها بجروح قطعية، وأكدت أنها تعاني من صدمة نفسية إثر الحادث.
كشفت الفنانة رحمة حسن عن تعرضها لمهاجمة من قبل كلب، وكشفت رحمة أنها تعرضت لعضة من قبل كلب، وكشفت تفاصيل إصابتها البالغة حينما كانت تسير في الشارع بجوار منزلها، وغافل كلب صاحبته وهاجمها، وأحدث فيها إصابات عميقة.
كشفت رحمة تفاصيل جديدة في إصابتها، وكتبت عبر حسابها الرسمي على موقع “إنستقرام”: “أنا رحت المستشفى النهارده وكشفت عند جراح متخصص وهو غير علي الجرح وعمل اللازم والحمد لله طمني، وقالي اتابع معاه الفتره الجايه واني هاكون كويسه انشاء الله والجرح هياخد وقته وها يخف”.
وأضافت رحمة: “بالنسبه للكلب احنا اتكلمنا مع صاحبته وطلبنا منها توديه مركز تأهيل وتدريب علشان تعدل سلوكه، وتبعت لنا الورق الرسمي اللي بيثبت أنها ودت الكلب فعلاً، وإلا هعمل محضر.. وساعتها الكلب الي هايتضر، ودي حاجة ماترضيش حد، وهي كانت متفاهمة جداً ووافقت وقالت إنها هاتعمل كدا أول الشهر الجاي، علشان أخوها اللي هايوديه ويتولي مسئوليته”.
وكشفت رحمة حالتها الصحية، قائلة: “الحمد لله انا كويسه والكلب كويس، واتمني أن صاحبة الكلب تصدق في كلمتها وتودي الكلب فعلاً مركز تعليم ويبقي كويس”.
إلى هنا، كان الحديث حول أن الكلب مصاب بمرض السعار، وأن وجوده مع العائلة خطير، إذ أنه بكل تأكيد سيهاجم آخرين في الفترة المقبلة، لكن رحمة حسن نشرت صورة من جدول تطعيمات الكلب أرسلته صاحبته.
نشرت رحمة صورة لجدول التطعيمات، وعلقت: “دي صور لتطعيمات الكلب الحمدلله طلع مش مسعور”.
هجوم كلب على رحمة حسن
تعرضت رحمة حسن للحادثة، شاركت تفاصيله عبر حسابها الخاص على موقع التواصل الاجتماعي “إنستقرام”: “امبارح الساعة ١١ بليل كنت نازلة أجيب حاجة من السوبر ماركت جمب البيت، كنت ماشية على الرصيف وكان في عربية بتركن جمبي عادي، فجأة الباب اتفتح ولقيت كلب جيرمن شيبرد بيهجم عليه بكل قوته”.
وأضافت الفنانة المصرية: “طبعا حاولت أجري لكن للأسف الكلب كان قوي وشرس ووقعني على الأرض، حاولت أقوم وأجري وصاحبته حاولت تشده، بس فك الليش بتاعه وعضني عضه كبيرة وغويطه بنابه في منطقة حساسة”.
وتابعت: “صاحبة الكلب كتر خيرها أخذتني فورا علي مستشفى إمبابة، أدوني حقنة تطعيم الكلب ولسه فاضل لي ٤ هاخدهم خلال شهر، بس المشكلة أن من امبارح الجرح ينزف دم كتير، وأنا طبعا خايفه ومصدومة وتعبانة وعندي تروما من امبارح والي واجعني أكتر أني مَش عارفة أتصرف إزاي، خصوصا أني أكيد مَش عايزة الكلب يتأذى، بس كمان مَش عايزة أي إنسان كمان يتأذى ويتعض ويتبهدل في الشارع زيي”.
حادثة عض الفنانة رحمة حسن
وكشفت رحمة حسن أنها ليست المرة الأولى التي ترى فيها الكلب: “أنا كنت بشوف الكلب ده دائما مع صاحبته بتمشي بيه في الشارع جمب البيت عندي، وعشان شكله شرس كنت أمشي بعيد عنه لما بشوفه، امبارح صاحبة الكلب قالت لي متخافيش هو عض ولادي قبل كدا وتمام محصلش حاجة”.
وقالت: “طبعا أنا اتصدمت لما عرفت أنها مَش أول مرة الكلب يعض حد ومع ذلك هي سايباه عادي في الشارع من غير كمامة أو حد قوي يمسكه، بجد حرام عليكم، الكلب لما بيكون حجمه كبير وشرس بيعتبر سلاح، وصاحبه مسؤول مسؤولية كاملة عنه ويحاسب علي إهمال مسؤوليته، خصوصا لو إهماله تسبب لشخص تاني في أذى بدني يحتاج أكثر من ٢١ يوم علاج وأذى نفسي ماعرفش هايحتاج قد إيه عشان يخف”.
وأشارت رحمة حسن إلى إصابتها بالخوف الشديد من الحيوانات الأليفة، قائلة: “أنا كنت بحب أنزل أحط أكل ومياه للكلاب والقطط تحت البيت، دلوقتي أنا حقيقي مرعوبة أقرب منهم وخايفه جدا”.
واختتمت قائلة: “أنا آسفة طولت عليكم بس أنا بجد مَش عارفة المفروض أعمل إيه عشان محدش تاني يتأذى”.
وفي السياق ذاته، علق الفنان والسيناريست عباس أبو الحسن على الواقعة، قائلاً: “معلش دة كلام فارغ، صاحبة الكلب مفروض تتحبس عشان عارفة إنها معاها كلب هجومى منفلت وعارفة كويس انها مش قادرة عليه وخروجها به جريمة، كان لازم تعملى محضر والكلب اللى بيعض ناس من الباب للطاق هناك ضرورة أمنية لإعدامه وبيحصل دة فى كل الدول المتحضرة”.
