موقع فن شو
مقالات مشابهة
الكبير كبير يا محمد يا منير ❤
كلاكيت ثاني مرة بعد الأسكندرية.. حفل منير بتنظيم وتجهيزات مبهرة تدخل الفرحة علي قلوب شعب الكينج لينتهي عام ٢٠٢٢ بأقوي حفل اكتملت كل ظروف نجاحه ليخرج بنتيجة ٩٩ % بالفعل .
ده ثاني حفل أشوفه لمنير يخلو من المشاكل التنظيمية بنسبة ٩٩% وفي الحقيقة انا بدأت أثق في قدرة البنات علي تنظيم أقوي الحفلات .. اه والله زي مابقولك كده .. اللي منظم الحفل ده بنت أسمها Eman Emad وياريت تحفظوا اسمها كويس وهي صاحبة شركة اسمها Double E بمشاركة رافي فايز وفعلاً كان حفل يشرف ويفرح ويليق بجمهور الكينج محمد منير وشخصياً مش هبطل أحضر حفلات من تنظيمهم .
أولا لأختيارهم أفضل ( ناس ) في شغلانة ( التجهيزات ) يعني لو ركزنا شوية هنلاقي الأضاءة والشاشات والأبهار كله لشركة focus light لصاحبها طارق صبري ورجالتها اللي عملوا في عام ٢٠٢٢ فوق ال ١٠٠ حفلة واكتر ومنهم أخويا وصديقي علي صلاح اللي فرحتي بيه لا توصف لأنه كان ( رجل المهمات الصعبة ) اللي تقدر تعتمد عليه في أي حكاية مش حفلة وبس وكل فريق العمل اللي ماينفعش تنكر او تتكسف انهم بيقولوا عليك ( بطبل ) وانت بتتكلم عنهم عشان هما فعلااااا ملوك الحكاية وضيف بقي للصوت العظمة اللي سمعناها كلنا للمهندس عصام السحرتي اللي الكينج مابيعديش حفلة الا وبيشكره وفعلا هو كينج في مكانه برضه وتصميم المسرح للعبقري تامر فوزي صاحب اقوي الحفلات والألعاب النارية لأحمد عصام وده اسمه مش محتاج وصف اصلا و التأمين لصديقي ريتشارد ورجالته المحترمين ولكني أكيل أكثر لتأمين العميد أحمد فخامة في الحفلات ومدير المسرح اليوم ده صديقي إسلام إماراتي والتصوير لمحمد أحمد اللي صوره واسمه في العالي كل يوم ده غير اخويا ابراهيم السماك اللي مستني اشوف شغله جدا وكان عامل زي النحلة بيلف الحفلة بكلها هو ورجالته وكل فريق التصوير والتغطية اللي كانوا موجودين والزملاء الصحفيين والاعلاميين اللي كانوا حاضرين .
ثانياً شكل اليوم والمزيكا اللي اتلعبت من ال djs المعروفين ومنهم dj sary & dj koknar ثم الظهور للفنان الرابر Ali loka اللي بسطنا بأغنية ماتخافيش ياما واحكيلي وغيرها وتفاعل معاه كل جمهور الكينج ثم ظهور الإعلامية المميزة ريهام سعيد اللي كان فعلاً مفاجأة عشان تقدملنا من لا يحتاج الي تقديم اصلا ، حبيبنا رقم ١ عند كل المنايره الكينج محمد منير اللي رغم تعبه قعد معانا اكتر من ساعتين واقف جنب كرسي بصحبة فرقته من أصدقائه عشان يفرح قلوب كل الجمهور اللي جاي من كل بلاد الدنيا ❤
ثالثاً وأخيراً جمهور منير … شعب منير مش جمهوره اللي كانوا حاجزين في ال VIP وأول ما حضر الكينج نزلوا وقفوا قصاده عند المسرح حتي يمتلئ المكان علي مرمي النظر وشعب منير مش محتاج حد يقوله واحده نظام .. هو من نفسه علي قدر كبير من المسؤولية والحب عشان جايين ينبسطوا ويمشوا عشان كده كل الحفل الكبير جداا ده بالاعداد دي كلها ماكنش فيه غير مشكلة واحده بين سيدة وأخري علي مين يقعد علي الكرسي وده قبل ما يجي الكينج وخلصت المشكلة بأن الأثنين فضلوا واقفين اصلاااا عشان يشوفوا حبيبهم .. وهو ده شعب منير الكبير ❤
بعتذر عن الأطالة بس فرحتي بالحفل وبأصحابي ونجاحهم ماتتوصفش والشق الخبري في الحفل هسيبه في الكومنتات وموجود علي المواقع المختلفة ..
تحياتي
شريف صبري
صحفي وصانع محتوي .
Credits :-
Stage: Tamer Fawzy Stage Designer
Light & LED Screen: Focus Light Group Tarek Sabry
Sound System: T H E – Technology Middle East
Fireworks: Ahmed Essam – أحمد عصام
Coverage: visual studio
Social Media Coverage: Marope
Event tickets Managment: Tickets Mall
Organized by: @Double E & Raffles Creative House
Photography: Mohamed Ahmed Elsayed & Ibahim El samak
