موقع فن شو
مقالات مشابهة
طرحت المطربة يسرا أغنية “سينجل” جديدة بعنوان “الملاهي” على موقع الفيديوهات يوتيوب على طريقة ال“Lyricvideo “.
وتناقش يسرا بأغنية “الملاهي” فكرة تخلي الأصدقاء عنها وقت الشدائد، وصدمتها من مواقفهم فتلجأ إلى الله وتطلب منه المدد ليعينها على تجاوز حزنها.
أغنية “الملاهي” من كلمات مصطفى حسن، ألحان محمد عبد المنعم، توزيع محمد عباس، مكس وماستر خالد، فوتوغرافيا الفيديو شريف مختار، وهو من تصميم إسلام ميلانو، والسينجل الجديد من إنتاج شركة “SY”.
واستعانت يسرا في إطلالتها بالماكيير أحمد الخواجة، كوافير يوسف جو، استايلست ريهام عاصم.
وتقول كلمات الأغنية:”أحزاني بالكوم متعدش
انا مين وقف جنبي محدش
الفرح اتوزع علي كله وانا لوحدي مخدتش
بسمع شتيمتي بوداني
ااااااااه
بتغش وبآمن تاني
وطيبتي بدفع ضريبتها والهم شيلته مجاني
الدنيا لونها طافي مابقاش لونها زاهي
كل البلاوي جاية علي طول في اتجاهي
ضحكتي محدش لقاها كله تايه في المتاهة
ضحكتي محدش لقاها كله تايه في المتاهة وملهي في الملاهي
في الملاهي في الملاهي في الملاهي
كله تايه في الملاهي في الملاهي
في الملاهي في الملاهي في الملاهي
كله تايه في الملاهي في الملاهي
مدد يااسيادنا مدد الصحاب مش بالعدد
لمؤاخذة في الكلمة ومعلش الراجل بقي إبرة في كوم قش
مدد يااسيادنا مدد
هو انتوا فين يااصحابي ماشوفتش حد فيكم
انا كنت عاملة حسابي في وجعي اسند عليكم
الصحوبية والزمالة طلعوا اكبر إشتغالة
الصحوبية والزمالة طلعوا اكبر إشتغالة ياأهلا بالندالة
في الملاهي في الملاهي في الملاهي الندالة سوقها ماشي في الملاهي
في الملاهي في الملاهي في الملاهي الندالة سوقها ماشي في الملاهي
صحصح كدة وبلاش غشم إحنا في زمن مفيهوش عشم
ولا حد بقي بحد يحس كله بيقول نفسي وبس
صحصح كدة وبلاش غشم“.
من جهة أخرى، تطرح يسرا أغاني ألبومها الجديد “إستاد القاهرة” تباعا، وطرحت منه حتى الآن أغنية “إستاد القاهرة” من كلمات وائل توفيق، ألحان محمد يحيى، توزيع جيزو، مكس وماستر ماهر صلاح، وأغنية “قانون العالم الجديد” من كلمات باسم عادل، ألحان محمد يحيى، توزيع جيزو، مكس وماستر ماهر صلاح.
وتتعاون يسرا في الألبوم الجديد مع عدد من أهم صناع المزيكا منهم الملحن محمد يحيى، الشاعر أحمد حسن راؤول، الموزع جيزو وغيرهم.
يسرا تحترف الغناء منذ ١٢ عام تقريبا وحققت شهرتها بأغنية الفلكور “بتناديني تاني ليه“، وقامت بالعديد من الجولات الغنائية على مستوى العالم.
