موقع فن شو
مقالات مشابهة
علقت الفنانة عفاف رشاد على الجدل المثار حول ظهورها الاخير قائلة : ” كل الي حصل أني عملت زي كل الناس غيرت صورة البروفايلعلى الفيسبوك وحطيت صورة تانية وعشان الفنانة عفاف شعيب جارتي وقريبة مني وصديقتي كانت دائماً تقلي : عفاف إعملي شعرك وحطي ميكب وماتقلوليش سنك الحقيقي
وتابعت في مداخلة هاتفية عبر برنامج ” كلمة أخيرة ” الذي تقدمه الاعلامية لميس الحديدي على شاشة ” ON” قائلة : ” لما قلتلي كده قلتلها أنا بعمل دور أم كتير وللمصاداقية لازم أظهر بشكل يليق بدور الام وسنها في النهاية سمعت كلامها ورحت الكوافير تحت البيت وعملت شعري زي ماقالت ولما جه الكوافير يعمل الصبغة قلتله مش هتبقى لايقة علي قلي : لا هتليق على بشرتك لانك “بولنداية” وعملتها“.
واصلت : بعد ماخلصت عندي جارة مغربية شاطرة في ” الميكب اب “ قلتلي تعالي أعملك شوية ميكب وعملتلي وبعدين صورني يوسف الفنجري صاحب إبني “
أكملت : أما عجبتني الصورة قلت أحطها على الفيسبوك وحطيتها ونمت وفوجئت بالي حصل .. وأنا ملياش خبرة في ” السوشيال ميديا ” اصلاً ولا عمري فكرت أعمل شهرة لنفسي ولا ألفت نظر الناس لي .. فجأة لقيت الدنيا إتقلبت والناس بتقلي أنتي “تريند” إتخضيت وخفت وقلت أنا ست في حالي ومعايا إبني أنا عملت إيه بس ؟
أتمت : ” إتخضيت وإترعبت لاني ماعرفش يعني إيه تريند .. ما فرحتش أوي من كتر التعليقات السلبية على الصورة وإبني جراح فيالقصر العيني إسمه عمر السبكي قلي ذنبي غيه ياماما اسمع الكلام ده كله ؟ لان الناس قالت إني عملت كده بفلوس محمد السبكي رغم إننا منفلصين عن بعض وعمر سنه سنتين والان يبلغ 30 عاماً وعلاقتنا كويسة أنا وإبنه“.
أكملت : ” انا بحط على وشي حاجات بسيطة في البيت زي الزبادي والجلسرين والليمون وماسكات وماعملتش “بوتوكس ” وسرجمالي إن ربنا حب يجبر بخاطري فصحيت لقيت كل الناس بتتكلم عني وحب يطبطب علي بكده لاني نمت وقمت لقيت كل الناس بتجيب في سيرتي ربنا طبطب علي في اللحظة دي وكنت محتاجة طبطبة منه “.
وحول تشبيهها بجنيفر لوبيز قالت : ” هوا أنا أطول “
ورداً على ماتم تداولة حول دعوة الناس لخلع الحجاب قالت : قالوا أني قلت شيلوا الحجاب لانه بيمعمل صداع .. أنا هقول كده ليه بس ؟أنا حجيت في 2008 وفي 2014 انا ست مريضة بالصداع وقلعته عشان تعبانة فوجئت بالناس بتقلي الحجاب بريء منك ربنا ينتقم منك وهيدخلك النار
